مقبوضہ غزہ، اسرائیلی ڈرون حملے میں حماس کے 2 کارکن شہید – اردو سائٹ

مقبوضہ غزہ، اسرائیلی ڈرون حملے میں حماس کے 2 کارکن شہید - ایکسپریس اردو
http://mouj.pk/product/heamo-tablet/

اسرائیلی فوج نے تلاشی کے دوران شہریوں کے گھروں میں گھس کر توڑ پھوڑ اور لوٹ مار کی، صحافی سمیت 13 فلسطینی گرفتار

 غزہ / الخلیل:  اسرائیلی حملے میں حماس کے 2 کارکن شہید ہوگئے۔

فلسطینی ذرائع نے بتایا ہے کہ منگل کو ایک اسرائیلی ڈرون کے ذریعے یہ کارروائی کی گئی، حماس کے عسکری دھڑے عزالدین القسام بریگیڈ نے تصدیق کی ہے کہ شہید ہونے والے جنگجو احمد مرجان اور عبدالحفیظ الصلاوی تھے، علاوہ ازیں فلسطین کے مقبوضہ مغربی کنارے کے مختلف شہروں میں گھر گھر تلاشی کی کارروائیوں میں ایک صحافی اور ایک سابق اسیر سمیت 13 فلسطینیوں کو حراست میں لینے کے بعد نامعلوم مقامات پر منتقل کر دیا گیا۔

غیر ملکی خبر رساں ادارے کے مطابق حراست میں لیے جانیوالے فلسطینیوں میں اسرائیلی اہداف پر حملوں میں ملوث افراد بھی شامل ہیں، حراست میں لیے جانے والوں میں ترک ٹی وی ٹی آر ٹی کے راملہ کے نامہ نگار ابراہیم عاھد الرنتیسی بھی شامل ہیں، انھیں مغربی قصبے رنتیس سے حراست میں لیا گیا۔

اسرائیلی فوج نے راملہ کے شمال مغربی قصبے دیر ابو مشعل میں گھر گھر تلاشی کے دوران سابق اسیر ابراہیم ریاض، قلقیلیہ سے 2، بیت لحم سے 3، دیر سامت سے 4، مغربی الخلیل اذنا سے 2، الفوار کیمپ سے 2 اور ایک سابق اسیر کو حراست میں لے لیا گیا، اسرائیلی فوج نے الجلزون کیمپ میں تلاشی کے دوران شہریوں کے گھروں میں گھس کر توڑ پھوڑ اور لوٹ مار کی۔

بشکریہ ایکسپریس نیوز
https://www.express.pk/story/1278082/10